കാലം മൃതിച്ചെണ്ട കൊട്ടിയെന് ജീവന്റെ
നാലതിര്ക്കോണിലും ശാസനക്കൊടിയുയര്ത്തി
നോവിന്റെ താളത്തിലുതിരും വിയര്പ്പിന്റെ
നാവും പിഴുതെന്റെ യാത്മാവുവാഴും നടയടച്ചൂ.
കണ്ണീരുവറ്റിയൂര്ദ്ധന് വലിക്കുന്ന മണ്ണിലെ -
ന്നുള്ളിന് വിരല്ത്തുമ്പാല് വൃഥാ സാന്ത്വനം കോരി
വിഷുപ്പക്ഷിയെന്നോ വിട ചൊല്ലി ,വര്ഷങ്ങളിട തെറ്റി -
വിഷച്ചേര്പ്പാലുതിര്ന്നീ മണ്ദാഹമാറ്റുവാന് നോക്കി
ഉഷസ്സിന് കുളിര്മയിലുപ്പു ചേര്ന്നു,ഉപ്പന് ചിലപ്പടക്കി ,
ഉയിരാല് തിളങ്ങും വിളപ്പാടമൂഷരമാവാനൊരുങ്ങീ.
കായുന്ന വയറിന്റെയോരത്ത് കാതുകള് താഴിട്ടു നിന്നു ഞാ -
നാരാലുമറിയാത്തോരബദ്ധപിണ്ഡമായരികൊതുങ്ങി
വടിവൊത്ത ധവളപ്പുതപ്പിലെ വെള്ളച്ചിരിക്കീഴി -
ലടവച്ചൊരഞ്ജലിക്കായൊഴിയാതെ വിരല്ത്തുമ്പു നീട്ടി ഞാന്
ഒപ്പമെന് തെക്കേപ്പുറത്തെ മാവിന്റെ കൊമ്പു -
മൊത്തതാണുയിരിന് കുടുക്കിനെന്നുറപ്പിച്ചു വച്ചു .
കണ്ണുറപ്പിച്ച മണ്ണിലെ പൊന്നിന്നടങ്ങാത്ത രോദനം
എണ്ണിപ്പെറുക്കാനെഴുത്താള് കൂട്ടമായെത്തി
കുരുവിച്ചിലമ്പുമാക്കുടമണിത്താളവുമധിനിവേശം
കുരുക്കുന്ന മണ്ണീന്നലമുറയിട്ടകന്നു പോയീ .
പടി കടന്നെത്തും പലിശപ്പുലികളെ കണി ക -
ണ്ടുടയുന്നൊരുള്ളിന്റെ കോണില് കുരുന്നിന്റെ കണ്ണും
ഉടയോന്റെ യുള്ളലിഞ്ഞൊരുങ്ങുന്ന വഴി തേടി -
യിടമുറിയാത്തിരി തെളിക്കുന്ന ദാരങ്ങളും
ഇവിടെയെന് വേര്പ്പുമീ ജീവനുമാര്ക്കു വേണം
കഴുത്തറ്റുറവച്ചാവു പേറുമീ മണ്ണുമിന്നാര്ക്കു വേണം
കതിരോന്റെ കണ്ണാല് കറുത്തോരീ മെയ്ക്കൊഴുപ്പും
ഹരിതപ്പുതപ്പാലൊഴുകിത്തിമിര്ക്കും കുളിരുമിന്നാര്ക്കു വേണം
മണ്വെട്ടി താങ്ങിത്തഴമ്പിട്ടതോളിന്നുടമസ്ഥന്
കണ്പോലെ കാക്കുമിപ്പച്ചത്തലപ്പുമേല-
ധിനിവേശക്കരിമ്പാറ്റ ചുടലനൃത്തം ചവിട്ടുമ്പോളീ -
നിധികാത്ത മണ്ണും നിറയാത്തകണ്ണുമൊറ്റപ്പെടുന്നുവോ ?
ഉറയും പലിശപ്പണക്കോമരപ്പിന്നിലമറിത്തിമിര്ക്കും
പറച്ചെണ്ടയും ,പടക്കൂട്ടവും ,പതിക്കുന്ന വാറോലയും
ചിറ കെട്ടി നിര്ത്തുവാനാവാത്ത ദുസ്വപ്നമായ്
നിറയുമ്പോളലയുന്നു കണ്ണാ മരക്കൊമ്പു തേടി
ഉയിരിന്റെ പാതിയോടുരിയാടിടാതെയുയിരാം കുരുന്നിനെ തൊ-
ട്ടുണര്ത്താതിരുളിന്റെ കോണിലൂടകലുന്നു കയര്ത്തുണ്ടുമായി ഞാന്
ഭരണത്തിരുപ്പടിയിലച്ചിക്കുവാന് മരണക്കുറിപ്പേകാതെ
കരുണയിറ്റെങ്കിലും കാക്കാതെയകലട്ടെ ഞാനാരാലുമറിയാത്തവന്
വെള്ളച്ചിരിക്കോലമെത്തുന്നു വെളിപാടുതിര്ക്കുന്നു
വെള്ളപ്പുതപ്പിന്നരികിലായെത്ര ചിത്രം പകര്ത്താനുരയ്ക്കുന്നു
മുറ്റത്തുയര്ന്നോരാപ്പന്തലിന് കീഴിലിറ്റു വീഴും മഴത്തുള്ളി പോലു -
മറ്റൊരാ ചേതനത്തിന്നരികിലെയലമുറയോടിറ്റു കരുണ കാട്ടി
Search This Blog
Sunday, November 27, 2011
ഒരു മരക്കൊമ്പും മണ്ണിന്റെ കണ്ണീരും
Wednesday, November 23, 2011
ഊര്മ്മിള
മിഥി നിന് പൌത്രിയാമൂര്മ്മിള കരയാതെ കരയുന്നു
വിധിഹിത ചൊല്ലു ചേര്ന്ന് ചുടു കാറ്റ് നിറയുന്നു
താരുണ്യ പ്പൂമുഖത്തിണയായി നിന്നവള്
ചാരുതച്ചന്ദനച്ചാര്ത്താല് കാതോര്ത്തു നിന്നവള്
അനപത്യ ദുഃഖ മുഴവു ചാലിലമരുമ്പോ -
ളനഘമുത്തായനജത്തിയായ് പിറന്നവള്
പ്രേമ മധുമുത്തുതിരുമാച്ചിരിയില് നിറ -
ച്ചാര്ത്തുമായ് മൈഥിലീ ! നിന്നോരത്തു മൂകം .
വിണ്ണുലഞ്ഞിരുന്നൊരു വില്ലിന്നമര്ച്ചയി -
ലര്േണ്ണാജനേത്രനിലലിഞ്ഞ ഭൂമിപുത്രീ !
നിന് പ്രഭയിലിഴചേര്ന്നു നില്ക്കും താരമാ -
യന്പുള്ളില് തുളുമ്പുമവളനുഗമിക്കുന്നു ദുഃഖം ഭുജിക്കാന്
അമ്മ തന് നോവിന്നു പകരമായാദ്യരോദന -
മന്ത:പുരം വിട്ടകലുംപോളിറ്റു നൊമ്പരം
ജീവന്റെ താളങ്ങളിലഴകായാരൂഢമായ്
ജീവാര്ദ്ധമായുള്ളോന്റെ പരിലാളനം
ഏറെക്കൊതിച്ചുള്ള ജന്മമാധുര്യത്തേന്
നീറുന്നോരാത്മാവും നിറയാത്ത കണ്ണുമായ് നില്പൂ
അകത്തളക്കോണിലതിരറ്റ പ്രേമം നിറ -
ഞ്ഞകലുന്ന പാതിയോടിറ്റു പരിഭവം കൂടാതെ
ഒരു നിയോഗത്തിന് രഥമുരുളാന് കാത്ത വാക്കിനു -
മുരുകുമുള്ളാല് പിടയുമീ വൃദ്ധതാതനും
ആരാലുമമരുവാനാവാത്ത സിംഹാസനത്തിനും
ചാരേയാരാലുമറിയാതൊരുത്തി മൂകയായ് .
ഇന്നവള്ക്കൊരു മാത്രയൊരുയുഗമാണ് നോവിന്റെ -
യെന്നിട്ടും കണ്ടതില്ലാര്യ പുത്രനാക്കരൾ നൊമ്പരം
അരികത്തു നിന്നിറ്റു കുളിര്വാക്കു ചൊല്ലേണ്ടോരമ്മയു -
മരിയതായ് കണ്ടതാത്മജാനുയാത്ര താതമനം കുളിര്ക്കാന്
ചിരി കൊണ്ടു മായ്ച്ചാക്കരളിന്റെ കണ്ണീരിനെ മ -
കരക്കണ്ണിയാളകക്കോണിലേകയായ് മാത്രയെണ്ണി
ചിരമീപ്പെൺചിരിപ്പിന്നിലേറെ ഹൃദ്നോമ്പരമാവാ -
മിരവിലേതു മിഴിത്തടം തേടുവതാ കരസ്പര്ശമാവാം
വാക്കിന്നിരിപ്പടം തെറ്റിയ പുത്ര ദുഃഖച്ചോട്ടില്
നാക്കിന് കരുത്താല് നായികാസ്ഥാനത്തൊരമ്മ
പകലിന്റെ പുസ്തകത്താളുകള് കറയറ്റു നില്ക്കാന്
പകലിരവുകലതിരിട്ടു കാണാനിതു നിയോഗമാവാം
അന്ത:പുരത്തിലെ നൊമ്പരച്ചാര്ത്താമമ്മ ദുഃഖങ്ങളു -
മന്ധമെന്നൊട്ടു നിനച്ചിടാവുന്ന സ്ത്രൈണ ധാര്ഷ്ട്യങ്ങളും
കാതു കാരുന്നോരാസുര മന്ഥരാ ചിന്തയുമെന്നേക്കു -
മാകുലക്കണ്ണീര് മുളയ്ക്കാത്ത താരുണ്യമാവാന് വിധിച്ചിരിക്കാം
രാപകലളവിട്ടു കാടേറിയും പാതകളിലന്ത -
രായപ്പതിരാറ്റിയും പതിന്നാലു കാലം കഴിഞ്ഞോര്
പാഠങ്ങളേറെപ്പഠിച്ചോര് പട നയിച്ചോര്
പാഠഭാഗമാവാതേകയായോള്ക്കിറ്റുകണ്ണേകിടാതെ
കഥയിലും കാതിലുമശോകവനക്കണ്ണീരുമാത്രമെന്നോ
വ്യഥകൊണ്ടന്ത:പുരച്ചുവരില് ചിത്രം വരയ്ക്കുവോളെ
വിധിയെന്നു ചൊല്ലിക്കളയേണ്ടതെന്നോ
കിതപ്പാര്ന്നു നില്ക്കും പെണ്ണിവളൂര്മ്മിള,നീ ഭൂമി ,സര്വ്വംസഹ.
വിധിഹിത ചൊല്ലു ചേര്ന്ന് ചുടു കാറ്റ് നിറയുന്നു
താരുണ്യ പ്പൂമുഖത്തിണയായി നിന്നവള്
ചാരുതച്ചന്ദനച്ചാര്ത്താല് കാതോര്ത്തു നിന്നവള്
അനപത്യ ദുഃഖ മുഴവു ചാലിലമരുമ്പോ -
ളനഘമുത്തായനജത്തിയായ് പിറന്നവള്
പ്രേമ മധുമുത്തുതിരുമാച്ചിരിയില് നിറ -
ച്ചാര്ത്തുമായ് മൈഥിലീ ! നിന്നോരത്തു മൂകം .
വിണ്ണുലഞ്ഞിരുന്നൊരു വില്ലിന്നമര്ച്ചയി -
ലര്േണ്ണാജനേത്രനിലലിഞ്ഞ ഭൂമിപുത്രീ !
നിന് പ്രഭയിലിഴചേര്ന്നു നില്ക്കും താരമാ -
യന്പുള്ളില് തുളുമ്പുമവളനുഗമിക്കുന്നു ദുഃഖം ഭുജിക്കാന്
അമ്മ തന് നോവിന്നു പകരമായാദ്യരോദന -
മന്ത:പുരം വിട്ടകലുംപോളിറ്റു നൊമ്പരം
ജീവന്റെ താളങ്ങളിലഴകായാരൂഢമായ്
ജീവാര്ദ്ധമായുള്ളോന്റെ പരിലാളനം
ഏറെക്കൊതിച്ചുള്ള ജന്മമാധുര്യത്തേന്
നീറുന്നോരാത്മാവും നിറയാത്ത കണ്ണുമായ് നില്പൂ
അകത്തളക്കോണിലതിരറ്റ പ്രേമം നിറ -
ഞ്ഞകലുന്ന പാതിയോടിറ്റു പരിഭവം കൂടാതെ
ഒരു നിയോഗത്തിന് രഥമുരുളാന് കാത്ത വാക്കിനു -
മുരുകുമുള്ളാല് പിടയുമീ വൃദ്ധതാതനും
ആരാലുമമരുവാനാവാത്ത സിംഹാസനത്തിനും
ചാരേയാരാലുമറിയാതൊരുത്തി മൂകയായ് .
ഇന്നവള്ക്കൊരു മാത്രയൊരുയുഗമാണ് നോവിന്റെ -
യെന്നിട്ടും കണ്ടതില്ലാര്യ പുത്രനാക്കരൾ നൊമ്പരം
അരികത്തു നിന്നിറ്റു കുളിര്വാക്കു ചൊല്ലേണ്ടോരമ്മയു -
മരിയതായ് കണ്ടതാത്മജാനുയാത്ര താതമനം കുളിര്ക്കാന്
ചിരി കൊണ്ടു മായ്ച്ചാക്കരളിന്റെ കണ്ണീരിനെ മ -
കരക്കണ്ണിയാളകക്കോണിലേകയായ് മാത്രയെണ്ണി
ചിരമീപ്പെൺചിരിപ്പിന്നിലേറെ ഹൃദ്നോമ്പരമാവാ -
മിരവിലേതു മിഴിത്തടം തേടുവതാ കരസ്പര്ശമാവാം
വാക്കിന്നിരിപ്പടം തെറ്റിയ പുത്ര ദുഃഖച്ചോട്ടില്
നാക്കിന് കരുത്താല് നായികാസ്ഥാനത്തൊരമ്മ
പകലിന്റെ പുസ്തകത്താളുകള് കറയറ്റു നില്ക്കാന്
പകലിരവുകലതിരിട്ടു കാണാനിതു നിയോഗമാവാം
അന്ത:പുരത്തിലെ നൊമ്പരച്ചാര്ത്താമമ്മ ദുഃഖങ്ങളു -
മന്ധമെന്നൊട്ടു നിനച്ചിടാവുന്ന സ്ത്രൈണ ധാര്ഷ്ട്യങ്ങളും
കാതു കാരുന്നോരാസുര മന്ഥരാ ചിന്തയുമെന്നേക്കു -
മാകുലക്കണ്ണീര് മുളയ്ക്കാത്ത താരുണ്യമാവാന് വിധിച്ചിരിക്കാം
രാപകലളവിട്ടു കാടേറിയും പാതകളിലന്ത -
രായപ്പതിരാറ്റിയും പതിന്നാലു കാലം കഴിഞ്ഞോര്
പാഠങ്ങളേറെപ്പഠിച്ചോര് പട നയിച്ചോര്
പാഠഭാഗമാവാതേകയായോള്ക്കിറ്റുകണ്ണേകിടാതെ
കഥയിലും കാതിലുമശോകവനക്കണ്ണീരുമാത്രമെന്നോ
വ്യഥകൊണ്ടന്ത:പുരച്ചുവരില് ചിത്രം വരയ്ക്കുവോളെ
വിധിയെന്നു ചൊല്ലിക്കളയേണ്ടതെന്നോ
കിതപ്പാര്ന്നു നില്ക്കും പെണ്ണിവളൂര്മ്മിള,നീ ഭൂമി ,സര്വ്വംസഹ.
Saturday, November 12, 2011
ഗര്ഭപാത്രം പറഞ്ഞത്
ഒരു വേള ഞാനിരുന്നോട്ടെ നിഴല് പറ്റിയീയുമ്മറപ്പടിയി
ലൊരുനാളിലീമണമുണ്ടിരിക്കുവാനകലത്തെയാലയത്തിണ്ണയില്
കരളിന്റെ ഭിത്തിയില് വരച്ചു ചേര്ക്കട്ടെയീ സ്മൃതിച്ചിത്രമൊരു വേള
നരകാര്ന്നു നില്ക്കുമീ വൃദ്ധതന് ചുളിവാര്ന്നെഴും വിരല്ത്തുമ്പിനാല്
എന്നാണെനിക്കുള്ളോരാ വിടുതല്ക്കുറിപ്പയയ്ക്കുന്ന -
തെന്നാണെന്നെ നിന്നില് നിന്നും പറിച്ചകറ്റുന്നതെന്റെ കുഞ്ഞേ !
നോവിന്റെ നൊമ്പരം കൊണ്ടു കുളിര്ത്തോരീക്കരളിന്റെ മുന്നില്
നാവുയര്ത്തുന്നോരജ്ഞയെന് കാതില് കാട്ടുതീ കോരുന്നു
നിന്നിലേക്കെനിക്കുള്ള ദൂരമപ്പൊക്കിള്ക്കൊടിത്തുമ്പില -
റ്റിന്നുമെന് കൈക്കുഞ്ഞായീക്കൈമടക്കില് കാണാമെനിക്ക്
കുഞ്ഞിച്ചിരിത്തുമ്പില് കോര്ത്ത മുത്തുമണിക്കിലുക്കത്തില്
കുഞ്ഞായി ഞാനും പെണ്ണിന്റെ മാത്രം ഭാഗ്യമായ് നിനക്കൊപ്പം
ഹൃദയം ചുരന്നു ഞാനിറ്റ സ്നേഹപ്പൂമണമിന്നുമാ -
ച്ചിരിക്കിലുക്കത്തില് നുകരുന്നു കൊതിയടങ്ങാതെ
അകലമിട്ടെനിക്കായൊരു ലോകമൊരുക്കുമ്പോഴും
വികലമാവാതിരിക്കട്ടെ നിന് ജീവയാത്രയൊരു മാത്ര പോലും
ഒരിക്കലേറ്റോരു പേറ്റു നോവിന് നൊമ്പരച്ചാര്-
ത്തൊരുവേളപോലുമകലുകില്ലോരമ്മയില് നിന്നും
പെരുമഴക്കീഴിലൊറ്റയാകും നിനക്കു കുടയായി ഞാ -
നരുമകൊതിച്ചൂട് നല്കിയിടരാറ്റി നിന്നൂ .
അക്ഷരദാഹമേറാന് നിനക്കൊത്തിരിക്കഥ വിളമ്പി -
യജ്ഞത വേരറ്റിടാനെത്ര നാമ ജപപ്പാല്ച്ചുരന്നൂ.
ദിശയറിഞ്ഞയനം കുറിക്കാന് വഴിവെളിച്ചമാ -
യിടരോട് പൊരുതുവാനൂര്ജ്ജം ചൊരിയുമരുവിയായി
ജീവിച്ചു നീ എത്ര കാലമാര്ജ്ജിച്ചതെത്ര
മോഹപ്പൂമെത്തമേലാമോദ ഗന്ധം നുകര്ന്നതെത്ര
ചോദിപ്പതില്ലാരുമീ മണ്ണിലാരോടുമൊരുനാളുമേ
കാതോര്ത്തിടുന്നേവരു"മെങ്ങിനെ"യെന്ന ചോദ്യവും പേറി
ഒരു വേള നിന്നിലെക്കൊന്നു നോക്കുകുരുകി -
നിറയും ഹൃദ്നൊമ്പരങ്ങള് തന് കണ്ണീരു കാണാന്
നെഞ്ഞൂര്ന്നു തന്നൊരമൃതിന് മണവുമാരുചിയും
കുഞ്ഞേ ! നീയായ് വളര്ന്നു ,കുഞ്ഞാണ് നീയെനിക്കെന്നും
പുലയാട്ടു ചേര്ത്ത ചോറിന്നുപ്പായെന്റെ കണ്ണീരു ചേര്ക്കാം
നില വിട്ടുതിര്ത്ത വാക്കിനെയെന്നാത്മനൊമ്പരങ്ങളാലിയിക്കാം
എന് മുന്നിലെന്നേക്കുമായടയുമീ വാതിലിന്നപ്പുറമിപ്പുറ -
മെന് ശ്വാസതാളം നിറയ്ക്കാം നിനക്കെന്നുമൊരു കാവലായ്
പടവിറങ്ങിയകലുമ്പോളിച്ചെവി തേടുന്ന പിന്വിളിയും
കുട നിവര്ത്തിത്തണല് പങ്കിട്ടു നില്ക്കും നിന് വിരല്ച്ചൂടും
ഇടമുറിയാതിടനാഴിയിലുയരുമിളമുറച്ചിനുങ്ങലുമീ -
നടുമുറ്റത്തിലകമാം തുളസീദളത്തിന് വിഷാദവും
ഒക്കെയൊരു സ്വപ്നമായ് നിറച്ചു ഞാനിവിടെ നി -
ന്നകലത്തെയാലയത്തേക്കകലാതെയകലാം
ദുഃഖമീ മിഴിച്ചെപ്പിലിട്ടും നിനക്കായ് തിരി തെളിക്കാ -
മൊട്ടൊഴിയാതിടനെഞ്ചില് നിന്നെയേറ്റി ഞാ"നവിടു"റങ്ങാം
എങ്ങുമെന്നുമെല്ലായിടത്തുമെത്തുവാനാവില്ലെനി -
ക്കതിന്നാലമ്മയാകുന്നു ഞാന് പിന്നെയഛനും
ലൊരുനാളിലീമണമുണ്ടിരിക്കുവാനകലത്തെയാലയത്തിണ്ണയില്
കരളിന്റെ ഭിത്തിയില് വരച്ചു ചേര്ക്കട്ടെയീ സ്മൃതിച്ചിത്രമൊരു വേള
നരകാര്ന്നു നില്ക്കുമീ വൃദ്ധതന് ചുളിവാര്ന്നെഴും വിരല്ത്തുമ്പിനാല്
എന്നാണെനിക്കുള്ളോരാ വിടുതല്ക്കുറിപ്പയയ്ക്കുന്ന -
തെന്നാണെന്നെ നിന്നില് നിന്നും പറിച്ചകറ്റുന്നതെന്റെ കുഞ്ഞേ !
നോവിന്റെ നൊമ്പരം കൊണ്ടു കുളിര്ത്തോരീക്കരളിന്റെ മുന്നില്
നാവുയര്ത്തുന്നോരജ്ഞയെന് കാതില് കാട്ടുതീ കോരുന്നു
നിന്നിലേക്കെനിക്കുള്ള ദൂരമപ്പൊക്കിള്ക്കൊടിത്തുമ്പില -
റ്റിന്നുമെന് കൈക്കുഞ്ഞായീക്കൈമടക്കില് കാണാമെനിക്ക്
കുഞ്ഞിച്ചിരിത്തുമ്പില് കോര്ത്ത മുത്തുമണിക്കിലുക്കത്തില്
കുഞ്ഞായി ഞാനും പെണ്ണിന്റെ മാത്രം ഭാഗ്യമായ് നിനക്കൊപ്പം
ഹൃദയം ചുരന്നു ഞാനിറ്റ സ്നേഹപ്പൂമണമിന്നുമാ -
ച്ചിരിക്കിലുക്കത്തില് നുകരുന്നു കൊതിയടങ്ങാതെ
അകലമിട്ടെനിക്കായൊരു ലോകമൊരുക്കുമ്പോഴും
വികലമാവാതിരിക്കട്ടെ നിന് ജീവയാത്രയൊരു മാത്ര പോലും
ഒരിക്കലേറ്റോരു പേറ്റു നോവിന് നൊമ്പരച്ചാര്-
ത്തൊരുവേളപോലുമകലുകില്ലോരമ്മയില് നിന്നും
പെരുമഴക്കീഴിലൊറ്റയാകും നിനക്കു കുടയായി ഞാ -
നരുമകൊതിച്ചൂട് നല്കിയിടരാറ്റി നിന്നൂ .
അക്ഷരദാഹമേറാന് നിനക്കൊത്തിരിക്കഥ വിളമ്പി -
യജ്ഞത വേരറ്റിടാനെത്ര നാമ ജപപ്പാല്ച്ചുരന്നൂ.
ദിശയറിഞ്ഞയനം കുറിക്കാന് വഴിവെളിച്ചമാ -
യിടരോട് പൊരുതുവാനൂര്ജ്ജം ചൊരിയുമരുവിയായി
ജീവിച്ചു നീ എത്ര കാലമാര്ജ്ജിച്ചതെത്ര
മോഹപ്പൂമെത്തമേലാമോദ ഗന്ധം നുകര്ന്നതെത്ര
ചോദിപ്പതില്ലാരുമീ മണ്ണിലാരോടുമൊരുനാളുമേ
കാതോര്ത്തിടുന്നേവരു"മെങ്ങിനെ"യെന്ന ചോദ്യവും പേറി
ഒരു വേള നിന്നിലെക്കൊന്നു നോക്കുകുരുകി -
നിറയും ഹൃദ്നൊമ്പരങ്ങള് തന് കണ്ണീരു കാണാന്
നെഞ്ഞൂര്ന്നു തന്നൊരമൃതിന് മണവുമാരുചിയും
കുഞ്ഞേ ! നീയായ് വളര്ന്നു ,കുഞ്ഞാണ് നീയെനിക്കെന്നും
പുലയാട്ടു ചേര്ത്ത ചോറിന്നുപ്പായെന്റെ കണ്ണീരു ചേര്ക്കാം
നില വിട്ടുതിര്ത്ത വാക്കിനെയെന്നാത്മനൊമ്പരങ്ങളാലിയിക്കാം
എന് മുന്നിലെന്നേക്കുമായടയുമീ വാതിലിന്നപ്പുറമിപ്പുറ -
മെന് ശ്വാസതാളം നിറയ്ക്കാം നിനക്കെന്നുമൊരു കാവലായ്
പടവിറങ്ങിയകലുമ്പോളിച്ചെവി തേടുന്ന പിന്വിളിയും
കുട നിവര്ത്തിത്തണല് പങ്കിട്ടു നില്ക്കും നിന് വിരല്ച്ചൂടും
ഇടമുറിയാതിടനാഴിയിലുയരുമിളമുറച്ചിനുങ്ങലുമീ -
നടുമുറ്റത്തിലകമാം തുളസീദളത്തിന് വിഷാദവും
ഒക്കെയൊരു സ്വപ്നമായ് നിറച്ചു ഞാനിവിടെ നി -
ന്നകലത്തെയാലയത്തേക്കകലാതെയകലാം
ദുഃഖമീ മിഴിച്ചെപ്പിലിട്ടും നിനക്കായ് തിരി തെളിക്കാ -
മൊട്ടൊഴിയാതിടനെഞ്ചില് നിന്നെയേറ്റി ഞാ"നവിടു"റങ്ങാം
എങ്ങുമെന്നുമെല്ലായിടത്തുമെത്തുവാനാവില്ലെനി -
ക്കതിന്നാലമ്മയാകുന്നു ഞാന് പിന്നെയഛനും
Monday, October 31, 2011
ഒക്ടോബര് ! നീ വിട പറയുമ്പോള്
എന്റെ ജന്മസ്മൃതി തന് മുറ്റത്തു നിന്നൊക്ടോബറെ !!
നിന്നെയൊന്നു നോക്കുമ്പോള് നിറയുന്നു കണ്ണുകള്
എന്നേക്കുമായൊത്തിരിയോര്മ്മ തന്നെന് മുല്ലനേഴി
ഒന്നുമുരിയാടാതകന്നു നിന് പൂമുഖത്തു നിന്നും
ആേണ്ടക്കുമുമ്പിതേവീട്ടിറമ്പത്തു നിന്നു -
മാരാലുമറിയാതരെങ്ങാഴിഞ്ഞെന്റെയയ്യപ്പന്
ബോധവീണയിലൊഴുകും വിരലുകളര്ദ്ധ -
ബോധത്തിലുമപസ്വരമില്ലാത്ത വാക്കു തന്നോന്
കഥയുടെ കാക്കനാടനരങ്ങ് ഒഴിഞ്ഞു
കഥച്ചൂടിലിത്തിരി തണലു മോന്താനൊറോതതന്നു
പുഴയെനിക്കേകുന്ന കണ്കുളിര് നീരുപോലെ
ഇഴയിട്ട ജീവിതത്തിന് തരംഗദൈര്ഘ്യം പറഞ്ഞോന്
ഇടയിലെന് ജീവിതപ്പടവുകളിലൊരു പൂതമാ -
യിടശ്ശേരി തിറയേറ്റി നില്ക്കെ വിട വാങ്ങിയില്ലേ
അതു നിന്റെ മുറ്റത്തു നിന്നാണ്ടെക്കു മുമ്പാണുവെങ്കിലും
പൂതമായിന്നുമെന് കണ്ണിലും കാതിലുമോട്ടുമണി കിലുക്കും
മണ്ണിന്റെ മണവും പെണ്ണിന്നെണ്ണമണക്കും മുടിച്ചേലും
മന്നന്റെ നൊമ്പരോമടിയാളര്ക്കായ് ഗീതഗര്ജ്ജനങ്ങളും
അലകളായെന്നെക്കുമെന് ഹൃദയപ്പരപ്പിലൊഴുക്കും
വയലാറിന്നകതളിര് സ്പന്ദനം നിന്നതും നിന്റെ മുറ്റത്തു തന്നെ
നിന്റെ കാല്ചോട്ടിലുരുക്കുപോലു െള്ളന്നിന്ദിര -
യുന്നം പിഴയ്ക്കാവെടിയുണ്ടയാല് രക്തമിറ്റിപ്പറന്നു പോയതും
ആരാലുമകറ്റിനിര്ത്താനാവാത്തൊരാ രത്ന -
മുയിര് പോല് തിളങ്ങിയും തിയതിയാല് വിങ്ങലേറ്റിയും
ചാതുര്യമേറുന്ന വാക്കിന്നപ്പോസ്തലന് ജേക്കബ്ബും
ചാരുതത്തേന് മൊഴി ചൊരിഞ്ഞു ഗംഗേധരിച്ചോനും
നഷ്ടദുഃഖങ്ങള് തന് നോവിന്റെ സ്മൃതിപ്പലകയില് ചെ-
മ്പൊട്ടു തൂക്കിപ്പറന്നതും നിന്റെ കാല്ച്ചോട്ടില് നിന്നത്രേ
ഇത്രമേല് നൊമ്പരമെനിക്കേകി നീ നില്ക്കുമ്പോഴു -
മൊത്ത നിന് നെറുകയില് പുണ്യമായെന്നൊക്ടോബര് രണ്ടും
നിശ്ചലനീപ്പാതയോരങ്ങളിലവനൊറ്റയാണെങ്കിലു -
മിദ്ദേശമീഭാഷയിലെന്റെയൂര്ജ്ജമായ് പതിരറ്റവിശ്വാസമായ്
നിന്നെയൊന്നു നോക്കുമ്പോള് നിറയുന്നു കണ്ണുകള്
എന്നേക്കുമായൊത്തിരിയോര്മ്മ തന്നെന് മുല്ലനേഴി
ഒന്നുമുരിയാടാതകന്നു നിന് പൂമുഖത്തു നിന്നും
ആേണ്ടക്കുമുമ്പിതേവീട്ടിറമ്പത്തു നിന്നു -
മാരാലുമറിയാതരെങ്ങാഴിഞ്ഞെന്റെയയ്യപ്പന്
ബോധവീണയിലൊഴുകും വിരലുകളര്ദ്ധ -
ബോധത്തിലുമപസ്വരമില്ലാത്ത വാക്കു തന്നോന്
കഥയുടെ കാക്കനാടനരങ്ങ് ഒഴിഞ്ഞു
കഥച്ചൂടിലിത്തിരി തണലു മോന്താനൊറോതതന്നു
പുഴയെനിക്കേകുന്ന കണ്കുളിര് നീരുപോലെ
ഇഴയിട്ട ജീവിതത്തിന് തരംഗദൈര്ഘ്യം പറഞ്ഞോന്
ഇടയിലെന് ജീവിതപ്പടവുകളിലൊരു പൂതമാ -
യിടശ്ശേരി തിറയേറ്റി നില്ക്കെ വിട വാങ്ങിയില്ലേ
അതു നിന്റെ മുറ്റത്തു നിന്നാണ്ടെക്കു മുമ്പാണുവെങ്കിലും
പൂതമായിന്നുമെന് കണ്ണിലും കാതിലുമോട്ടുമണി കിലുക്കും
മണ്ണിന്റെ മണവും പെണ്ണിന്നെണ്ണമണക്കും മുടിച്ചേലും
മന്നന്റെ നൊമ്പരോമടിയാളര്ക്കായ് ഗീതഗര്ജ്ജനങ്ങളും
അലകളായെന്നെക്കുമെന് ഹൃദയപ്പരപ്പിലൊഴുക്കും
വയലാറിന്നകതളിര് സ്പന്ദനം നിന്നതും നിന്റെ മുറ്റത്തു തന്നെ
നിന്റെ കാല്ചോട്ടിലുരുക്കുപോലു െള്ളന്നിന്ദിര -
യുന്നം പിഴയ്ക്കാവെടിയുണ്ടയാല് രക്തമിറ്റിപ്പറന്നു പോയതും
ആരാലുമകറ്റിനിര്ത്താനാവാത്തൊരാ രത്ന -
മുയിര് പോല് തിളങ്ങിയും തിയതിയാല് വിങ്ങലേറ്റിയും
ചാതുര്യമേറുന്ന വാക്കിന്നപ്പോസ്തലന് ജേക്കബ്ബും
ചാരുതത്തേന് മൊഴി ചൊരിഞ്ഞു ഗംഗേധരിച്ചോനും
നഷ്ടദുഃഖങ്ങള് തന് നോവിന്റെ സ്മൃതിപ്പലകയില് ചെ-
മ്പൊട്ടു തൂക്കിപ്പറന്നതും നിന്റെ കാല്ച്ചോട്ടില് നിന്നത്രേ
ഇത്രമേല് നൊമ്പരമെനിക്കേകി നീ നില്ക്കുമ്പോഴു -
മൊത്ത നിന് നെറുകയില് പുണ്യമായെന്നൊക്ടോബര് രണ്ടും
നിശ്ചലനീപ്പാതയോരങ്ങളിലവനൊറ്റയാണെങ്കിലു -
മിദ്ദേശമീഭാഷയിലെന്റെയൂര്ജ്ജമായ് പതിരറ്റവിശ്വാസമായ്
Saturday, October 29, 2011
നന്ദിയാരോട് ചൊല്ലേണ്ടൂ
അക്ഷരമാണഛനെന് ജീവ താളങ്ങളി -
ലഛനായ് ഞാനോ പുത്തീന്നു ത്രാണനം ചെയ്തോന്
ഇഛ പോലണുവായമ്മയിലലിയുംപോള്
കൊച്ചു സ്വപ്നമുദരത്തില് വളരുമ്പോള്
നന്ദിയാരോട് ചൊല്ലേണ്ടൂ ഞാന്?
വിരല്ത്തുമ്പു തൂങ്ങിയെന് പിച്ച മുറുകുമ്പോ -
ളഴലറിയാത്തൊരെന്നാശമേലുമ്മ വയ്ക്കുമ്പോള്
വലം കൈ പകുത്തൊരാ ചൂട് ചേര്ത്തമ്മിഞ്ഞയു -
മിടം വലം ചേര്ത്തെനിക്കൊരു കൂട്ടുമേകുംപോള്
നന്ദിയാരോട് ചൊല്ലേണ്ടൂ ഞാന്?
അക്ഷരപ്പിച്ചയിലിടരാറ്റി നില്ക്കാനഛന്റെ കൈത്താങ്ങു
മിജ്ജീവിതത്തിലെന്നേക്കുമോര്ക്കാനാ വിരല് സ്പര്ശവും
ആദ്യക്ഷരത്തിന് നറു തേന് കിനിഞ്ഞെന് ചുണ്ടിലീ -
ഹൃദ്യമാം ഭാഷതന്നമ്രുതു പേറിയെന്നമ്മയും
നന്ദിയാരോട് ചൊല്ലേണ്ടൂ ഞാന്?
ഇറ്റുമോരോ വിയര്പ്പിന് സ്നേഹമുത്തി -
ന്നുപ്പു ചേര്ത്തീ മണ്ണിന്നൂഷരതയാറ്റി നില്ക്കുമഛന്
ഒട്ടല്ലാത്ത നീര് കോരി തളിരു കാത്തമ്മയള -
വറ്റ ഖനിയുമീക്കുളിരുമെനിക്കായ് വിളയിക്കവേ
നന്ദിയാരോട് ചൊല്ലേണ്ടൂ ഞാന് ?
ലഛനായ് ഞാനോ പുത്തീന്നു ത്രാണനം ചെയ്തോന്
ഇഛ പോലണുവായമ്മയിലലിയുംപോള്
കൊച്ചു സ്വപ്നമുദരത്തില് വളരുമ്പോള്
നന്ദിയാരോട് ചൊല്ലേണ്ടൂ ഞാന്?
വിരല്ത്തുമ്പു തൂങ്ങിയെന് പിച്ച മുറുകുമ്പോ -
ളഴലറിയാത്തൊരെന്നാശമേലുമ്മ വയ്ക്കുമ്പോള്
വലം കൈ പകുത്തൊരാ ചൂട് ചേര്ത്തമ്മിഞ്ഞയു -
മിടം വലം ചേര്ത്തെനിക്കൊരു കൂട്ടുമേകുംപോള്
നന്ദിയാരോട് ചൊല്ലേണ്ടൂ ഞാന്?
അക്ഷരപ്പിച്ചയിലിടരാറ്റി നില്ക്കാനഛന്റെ കൈത്താങ്ങു
മിജ്ജീവിതത്തിലെന്നേക്കുമോര്ക്കാനാ വിരല് സ്പര്ശവും
ആദ്യക്ഷരത്തിന് നറു തേന് കിനിഞ്ഞെന് ചുണ്ടിലീ -
ഹൃദ്യമാം ഭാഷതന്നമ്രുതു പേറിയെന്നമ്മയും
നന്ദിയാരോട് ചൊല്ലേണ്ടൂ ഞാന്?
ഇറ്റുമോരോ വിയര്പ്പിന് സ്നേഹമുത്തി -
ന്നുപ്പു ചേര്ത്തീ മണ്ണിന്നൂഷരതയാറ്റി നില്ക്കുമഛന്
ഒട്ടല്ലാത്ത നീര് കോരി തളിരു കാത്തമ്മയള -
വറ്റ ഖനിയുമീക്കുളിരുമെനിക്കായ് വിളയിക്കവേ
നന്ദിയാരോട് ചൊല്ലേണ്ടൂ ഞാന് ?
Friday, October 28, 2011
സഭയിലെ കോമാളികള്
മുന്നിലെ വെല്ലിലെന്നുമൊന്നുമില്ലാതേമിറങ്ങുവോര്
പിന്നിലോ കൂപമണ്ഡൂകങ്ങളാം ചിലര്
നാക്കിന് പിഴവിന്റെ മൂര്ത്തിയായ് "പൂഞ്ഞാന്"
വാക്ക് പിഴച്ചോര്ക്ക് ഗുരുസ്ഥാനത്തൊരേകദന്തന്
വായ തന് ഭാഷയ്ക്ക് കായഭാഷേം നല്കി
ആയതൊക്കെപ്പുലമ്പി ഭാഷയെ വ്യഭിച്ചരിപ്പോര്
ചായ തന് കോപ്പയില് വാണിഭം കണ്ടൂ ചിലര്
വായ പൂട്ടിപ്പിന്തിരിഞ്ഞെന്തിനോ മറ്റു ചിലര്
സത്യം പുരളാത്ത കണ്ണീര് പോഴിപ്പൂ കാവലാള്ക്കാ-
യദ്ധ്യാപകന്റരുതാത്തിടത്തൂന്നു പാരേമെടുക്കുന്നു
സഭയ്ക്ക് നിരക്കാത്തതസഭ്യമെന്നറിയാത്ത മെമ്പര്
നഭസ്സോളമേറുന്നു മന്ത്രിയായക്ഷരവൈരിയായി
വര്ണമില്ലാത്തോന് വര്ഗ്ഗമില്ലാത്തോനെന്നും
ദുര്ന്നടപ്പേതുമേയില്ലാത്തോനെന്നും മിഥ്യാ പ്രതിജ്ഞ ചെയ്വോര്
കര്ണ്ണനായര്ജ്ജുനാദിയായെന്നും കുലം കാക്കുമെന്നും
കര്ണ്ണങ്ങള് പൊട്ടുമാറുച്ചെപ്പറഞ്ഞോര്
പോക്കണം കേേടറെപ്പുലമ്പീട്ടുളുമ്പോട്ടു മില്ലാതെ
പോക്കറ്റു പരതുന്നു തൂക്കമേറുന്ന "ഖേദം "
ഭാഷ്യം ചമയ്ക്കുന്നു ഖേദത്തിനേറെപ്പേര്
ദൂഷ്യം വരാതിറ്റു മേമ്പടിയായ് "വിഷമ"വും ചേര്ക്കുന്നു
അര്ഥ വ്യത്യാസം പരതി നിഘണ്ടുക്കള് തേടി
യുത്തരദക്ഷിണമോടിക്കിതയ്ക്കുന്നു നേതാക്കള്
ഉത്തരം കിട്ടാത്ത ചോദ്യം ചമയ്ക്കുന്നിരു കൂട്ടരു -
മുത്തരായനം വരെ കാക്കാനുത്തരവിട്ടിടുന്നൂ
ചിത്രങ്ങള് കൊയ്തൊത്തിരി ചാനല്പ്പരുന്തുകള്
ചിത്രവധം ചെയ്തു മുന്നേറിടുന്നഭ്യാസമുള്ളോര്
മാസങ്ങളേറെക്കൊഴിഞ്ഞു നീങ്ങുമ്പോഴു -
മാസനം നന്നായുറപ്പിക്കാന് പാട്പെടുന്നോര്
ഖരം പോലെ കണ് മിഴിച്ചമ്പേയുഴറുന്നു ശാപ -
വരം കിട്ടി മണ്ഡരിക്കുത്തേറ്റ മലയാളമക്കള്
വാക്കു ദോഷത്തിന്റെ വാലുതൂങ്ങിപ്പറക്കും നേതാവി -
നോര്ക്കുവാനന്യ തായൊന്നുമില്ലശ്ലീലമല്ലാതെ
കോമഡി ചെയ്തു പഠിക്കുന്നോരെമ്പീ വേദിയിലു-
ടനടിയാര്ത്തട്ടഹസ്സിക്കുന്നണികള് കോമാളികള്
കാല ദോഷം പിടിച്ചെന്നു കാരണം കണ്ടെത്തി
കാലം കഴിക്കുന്നു നാട്ടാരടുത്തിലക്ഷന് വരെ
മണ്ടയടച്ചോനെ മൂടോടെ മാറ്റാന് മടിക്കുമെന്നുമ്മന് പ്രഭോ !
കണ്ടോണ്ടിരിക്കാനി നാടിന്നേറെയാവില്ലെന്നുണ്മയും ചേര്ത്തുരയ്ക്കട്ടെ
ഇണ്ടലുണ്ടാവേണ്ടതില്ലിന്നീയിരിപ്പടം പോയാലു -
മണ്ടനടകോടനൊക്കെയൊഴിവാക്കി കൈ കോര്ത്തു-
നില്ക്കാമീ മലയാണ്മയ്ക്കായി
പിന്നിലോ കൂപമണ്ഡൂകങ്ങളാം ചിലര്
നാക്കിന് പിഴവിന്റെ മൂര്ത്തിയായ് "പൂഞ്ഞാന്"
വാക്ക് പിഴച്ചോര്ക്ക് ഗുരുസ്ഥാനത്തൊരേകദന്തന്
വായ തന് ഭാഷയ്ക്ക് കായഭാഷേം നല്കി
ആയതൊക്കെപ്പുലമ്പി ഭാഷയെ വ്യഭിച്ചരിപ്പോര്
ചായ തന് കോപ്പയില് വാണിഭം കണ്ടൂ ചിലര്
വായ പൂട്ടിപ്പിന്തിരിഞ്ഞെന്തിനോ മറ്റു ചിലര്
സത്യം പുരളാത്ത കണ്ണീര് പോഴിപ്പൂ കാവലാള്ക്കാ-
യദ്ധ്യാപകന്റരുതാത്തിടത്തൂന്നു പാരേമെടുക്കുന്നു
സഭയ്ക്ക് നിരക്കാത്തതസഭ്യമെന്നറിയാത്ത മെമ്പര്
നഭസ്സോളമേറുന്നു മന്ത്രിയായക്ഷരവൈരിയായി
വര്ണമില്ലാത്തോന് വര്ഗ്ഗമില്ലാത്തോനെന്നും
ദുര്ന്നടപ്പേതുമേയില്ലാത്തോനെന്നും മിഥ്യാ പ്രതിജ്ഞ ചെയ്വോര്
കര്ണ്ണനായര്ജ്ജുനാദിയായെന്നും കുലം കാക്കുമെന്നും
കര്ണ്ണങ്ങള് പൊട്ടുമാറുച്ചെപ്പറഞ്ഞോര്
പോക്കണം കേേടറെപ്പുലമ്പീട്ടുളുമ്പോട്ടു മില്ലാതെ
പോക്കറ്റു പരതുന്നു തൂക്കമേറുന്ന "ഖേദം "
ഭാഷ്യം ചമയ്ക്കുന്നു ഖേദത്തിനേറെപ്പേര്
ദൂഷ്യം വരാതിറ്റു മേമ്പടിയായ് "വിഷമ"വും ചേര്ക്കുന്നു
അര്ഥ വ്യത്യാസം പരതി നിഘണ്ടുക്കള് തേടി
യുത്തരദക്ഷിണമോടിക്കിതയ്ക്കുന്നു നേതാക്കള്
ഉത്തരം കിട്ടാത്ത ചോദ്യം ചമയ്ക്കുന്നിരു കൂട്ടരു -
മുത്തരായനം വരെ കാക്കാനുത്തരവിട്ടിടുന്നൂ
ചിത്രങ്ങള് കൊയ്തൊത്തിരി ചാനല്പ്പരുന്തുകള്
ചിത്രവധം ചെയ്തു മുന്നേറിടുന്നഭ്യാസമുള്ളോര്
മാസങ്ങളേറെക്കൊഴിഞ്ഞു നീങ്ങുമ്പോഴു -
മാസനം നന്നായുറപ്പിക്കാന് പാട്പെടുന്നോര്
ഖരം പോലെ കണ് മിഴിച്ചമ്പേയുഴറുന്നു ശാപ -
വരം കിട്ടി മണ്ഡരിക്കുത്തേറ്റ മലയാളമക്കള്
വാക്കു ദോഷത്തിന്റെ വാലുതൂങ്ങിപ്പറക്കും നേതാവി -
നോര്ക്കുവാനന്യ തായൊന്നുമില്ലശ്ലീലമല്ലാതെ
കോമഡി ചെയ്തു പഠിക്കുന്നോരെമ്പീ വേദിയിലു-
ടനടിയാര്ത്തട്ടഹസ്സിക്കുന്നണികള് കോമാളികള്
കാല ദോഷം പിടിച്ചെന്നു കാരണം കണ്ടെത്തി
കാലം കഴിക്കുന്നു നാട്ടാരടുത്തിലക്ഷന് വരെ
മണ്ടയടച്ചോനെ മൂടോടെ മാറ്റാന് മടിക്കുമെന്നുമ്മന് പ്രഭോ !
കണ്ടോണ്ടിരിക്കാനി നാടിന്നേറെയാവില്ലെന്നുണ്മയും ചേര്ത്തുരയ്ക്കട്ടെ
ഇണ്ടലുണ്ടാവേണ്ടതില്ലിന്നീയിരിപ്പടം പോയാലു -
മണ്ടനടകോടനൊക്കെയൊഴിവാക്കി കൈ കോര്ത്തു-
നില്ക്കാമീ മലയാണ്മയ്ക്കായി
Monday, October 24, 2011
ജീവന്റെയീണങ്ങള്
ഒരു പെരുമ്പറച്ചിന്തിനാലൊരു മിഴിച്ചിമ്മലാലീ -
താരക ചിറകു കുടഞ്ഞുതിര്ക്കും മഴത്തുള്ളിയാല്
ധരയിവള് ഋതുവായിടുന്നു ,തുടിക്കുന്നിവളുടെ
ജരായു ,തളിരിടും പരശ്ശതം പുതുനാമ്പിനാല്
ദലമര്മ്മരങ്ങള് ചേര്ത്തെന് ശകുന്തികള് പാട്ടി -
ന്നലയോഴുക്കിയെനിക്കായ് സ്നേഹഗീതങ്ങള് പാടും
അളികളീവനിയിലെ പൂവിന്റെ കാതില് പ്രണയവും ചൊല്ലു-
മിളവേറ്റു നിന്നീ മാന്പേടയെന്നുദരചലനങ്ങള് കാതോര്ക്കും
നീര് നൂലിനാല് ചിരമെനിക്കുള്ളോരീ കൂന്തലില്
സൂര്യനവന് ചുംബനപ്പൂ ചേര്ത്തു മാരിവില്ലു തീര്ക്കും
ഹരിതമെന്നുഷ്ണദുഃഖങ്ങളില് തണലിട്ടു നില്ക്കു-
മരുവികളെന്റെ സ്വപ്നദാഹങ്ങള്ക്കു നീരിറ്റിടും
ഉഷസ്സിന് മടിത്തട്ടിലീ തളിരിലകള് നീര്മുത്താലീയ -
വിഷിക്കു തീര്ത്ഥം ചൊരിഞ്ഞും താരകച്ചിരിയൊരുക്കീം
ഭ്രമരദണ്ഡത്താല് കണ് തുറക്കും മുളം തണ്ടി-
ലമരഗീതം പൊഴിക്കാനൊഴുകുമിളം കാറ്റും
കാറ്റിന്റെ വഴിയിലെ ആകുലബിന്ദുക്കളാം വിഷ -
മൂറ്റിയീ ശുദ്ധ സമീരമേകാന് വിഹീരക സേനയും
കുയില്പ്പാട്ടു കൊണ്ടെന്റെ കരള് കുളിര് ചൂടി നില്ക്കും
മയിലാടി നിന്നെന്റെ മിഴികള്ക്ക് ശബള ചിത്രമേകും
ശകലികള് നൃത്തമാടിത്തിമിര്ക്കുമരുവിക -
ളരികിലീ ദാഹനീര്ക്കൊതിക്കിറ്റു സാന്ത്വനം നല്കി
തിരികെ ഞാനീവഴിക്കില്ലെന്റെയേകദിശായാത്ര -
യമരുമാഴിയില് നിന്നൊരു മഴക്കണമായെത്തിടാമെന്നു ചൊല്ലി
അണുമുതലാനയോളം ചരമായതിന് പ്രാണന്നൊഴുക്കു പോലെ
അണ കെട്ടി നിര്ത്താനാവത്തൊരു പ്രണയയാത്ര പോലെ
പുരോപ്രവാഹമീ ജീവന്റെ പാതയോരങ്ങളില്
പുലരിയിന്നത്തെതന്യമാകും നമുക്കിനിയൊന്നിനായ് കാതു നല്കാം
ഒരു നറു പുഞ്ചിരിച്ചെപ്പാല് കുളിര്പ്പിച്ചു നിര്ത്താമിന്നിനെ -
യൊരു നിലാവിന്റെ നൈര്മ്മല്യമൊന്നായ് പുലര്ത്താം
ഒരു കരിമ്പൊട്ടു വീഴാതെ കൈ കോര്ത്ത് നില്ക്കാ -
മിരവിലും പകലിലുമിളകാത്ത ഹൃദയ വാഹിയാകാം
പകലിന്റെ രാജന് പതിരുതിര്ക്കാത്തവന് നിന്റെ
പകല്യാത്രയിലെന്റെ നിഴലെത്ര കുറുകുന്നു നീളുന്നു
ചിരി തൂകി വിരല് ചൂണ്ടി മൂകമായെനിക്കേകുമാജ്ഞയില്
താഴിട്ടു പൂട്ടാത്ത കണ്ണുമെന് കാതും താളം കൊഴുക്കുന്ന ജീവനും
താരക ചിറകു കുടഞ്ഞുതിര്ക്കും മഴത്തുള്ളിയാല്
ധരയിവള് ഋതുവായിടുന്നു ,തുടിക്കുന്നിവളുടെ
ജരായു ,തളിരിടും പരശ്ശതം പുതുനാമ്പിനാല്
ദലമര്മ്മരങ്ങള് ചേര്ത്തെന് ശകുന്തികള് പാട്ടി -
ന്നലയോഴുക്കിയെനിക്കായ് സ്നേഹഗീതങ്ങള് പാടും
അളികളീവനിയിലെ പൂവിന്റെ കാതില് പ്രണയവും ചൊല്ലു-
മിളവേറ്റു നിന്നീ മാന്പേടയെന്നുദരചലനങ്ങള് കാതോര്ക്കും
നീര് നൂലിനാല് ചിരമെനിക്കുള്ളോരീ കൂന്തലില്
സൂര്യനവന് ചുംബനപ്പൂ ചേര്ത്തു മാരിവില്ലു തീര്ക്കും
ഹരിതമെന്നുഷ്ണദുഃഖങ്ങളില് തണലിട്ടു നില്ക്കു-
മരുവികളെന്റെ സ്വപ്നദാഹങ്ങള്ക്കു നീരിറ്റിടും
ഉഷസ്സിന് മടിത്തട്ടിലീ തളിരിലകള് നീര്മുത്താലീയ -
വിഷിക്കു തീര്ത്ഥം ചൊരിഞ്ഞും താരകച്ചിരിയൊരുക്കീം
ഭ്രമരദണ്ഡത്താല് കണ് തുറക്കും മുളം തണ്ടി-
ലമരഗീതം പൊഴിക്കാനൊഴുകുമിളം കാറ്റും
കാറ്റിന്റെ വഴിയിലെ ആകുലബിന്ദുക്കളാം വിഷ -
മൂറ്റിയീ ശുദ്ധ സമീരമേകാന് വിഹീരക സേനയും
കുയില്പ്പാട്ടു കൊണ്ടെന്റെ കരള് കുളിര് ചൂടി നില്ക്കും
മയിലാടി നിന്നെന്റെ മിഴികള്ക്ക് ശബള ചിത്രമേകും
ശകലികള് നൃത്തമാടിത്തിമിര്ക്കുമരുവിക -
ളരികിലീ ദാഹനീര്ക്കൊതിക്കിറ്റു സാന്ത്വനം നല്കി
തിരികെ ഞാനീവഴിക്കില്ലെന്റെയേകദിശായാത്ര -
യമരുമാഴിയില് നിന്നൊരു മഴക്കണമായെത്തിടാമെന്നു ചൊല്ലി
അണുമുതലാനയോളം ചരമായതിന് പ്രാണന്നൊഴുക്കു പോലെ
അണ കെട്ടി നിര്ത്താനാവത്തൊരു പ്രണയയാത്ര പോലെ
പുരോപ്രവാഹമീ ജീവന്റെ പാതയോരങ്ങളില്
പുലരിയിന്നത്തെതന്യമാകും നമുക്കിനിയൊന്നിനായ് കാതു നല്കാം
ഒരു നറു പുഞ്ചിരിച്ചെപ്പാല് കുളിര്പ്പിച്ചു നിര്ത്താമിന്നിനെ -
യൊരു നിലാവിന്റെ നൈര്മ്മല്യമൊന്നായ് പുലര്ത്താം
ഒരു കരിമ്പൊട്ടു വീഴാതെ കൈ കോര്ത്ത് നില്ക്കാ -
മിരവിലും പകലിലുമിളകാത്ത ഹൃദയ വാഹിയാകാം
പകലിന്റെ രാജന് പതിരുതിര്ക്കാത്തവന് നിന്റെ
പകല്യാത്രയിലെന്റെ നിഴലെത്ര കുറുകുന്നു നീളുന്നു
ചിരി തൂകി വിരല് ചൂണ്ടി മൂകമായെനിക്കേകുമാജ്ഞയില്
താഴിട്ടു പൂട്ടാത്ത കണ്ണുമെന് കാതും താളം കൊഴുക്കുന്ന ജീവനും
Subscribe to:
Posts (Atom)