ഏകയാമെന്നോട് മൂളുവതെന്താണ്
മൂക വിഷാദങ്ങളിഴചേര്ന്ന സന്ധ്യേ
ഇനിയുമടങ്ങാനാവാത്തൊരലയില്
നീ നിന്റെ ജീവനെയേകി വിലയിക്കയോ
കാതില് പകരുമീകാറ്റിന്റെയീണത്തില്
വേദന തിങ്ങും നിന് ഗദ്ഗദം ചേര്ന്നുവോ
ഒരു സ്നേഹ ചുംബനം നല്കിയകലുംപോള്
തീരമറിഞ്ഞുവോ തിര തന്റെ നൊമ്പരം
പാലൊളിപ്പുഞ്ചിരി നീളെ തൂകിയടുത്തവള്
താള മുപേക്ഷിച്ചകലുന്നു കണ്ടുവോ
ഒരു വേള ഞാനും നിന്നിലലിയുന്നു
ഗദ്ഗദം തിങ്ങും ഹൃത്തിന് മിഴിനീരാല്
No comments:
Post a Comment